БНХАУ-ын аж үйлдвэрийн салбарын ашиг өслөө

БНХАУ-ын томоохон аж үйлдвэрийн компаниудын ашиг 2026 оны 9-р сард өмнөх оны мөн үеэс 14.4%-иар өсөж, сүүлийн гурван сарын хамгийн өндөр өсөлтийг үзүүллээ. Харин оны эхний есөн сарын байдлаар салбарын нийт ашиг 15.5%-иар нэмэгдсэн байна.

Энэхүү өсөлтөд дэлхий даяар эрчимжиж буй хиймэл оюун ухааны эрэлт, түүхий эдийн үнийн өсөлт голлон нөлөөлжээ. Ялангуяа хагас дамжуулагч, уул уурхай, робот техник болон өндөр технологийн үйлдвэрлэлийн компаниудын ашиг эрчимтэй нэмэгдсэн бол автомашин, хувцас, тавилгын үйлдвэрлэл харьцангуй сул үзүүлэлттэй байна.

Гэсэн хэдий ч БНХАУ-ын дотоодын хэрэглээ сул хэвээр байгаа нь эдийн засгийн өсөлтийг хязгаарлаж байна. Тухайлбал, есдүгээр сарын жижиглэн худалдааны борлуулалт ердөө 1.1%-иар өссөн бол үл хөдлөх хөрөнгийн салбарын уналт өрхийн хэрэглээнд дарамт учруулсаар байна.

Шинжээчдийн үзэж буйгаар хиймэл оюун ухаан болон экспортын өсөлт аж үйлдвэрийн салбарын ашгийг дэмжиж байгаа ч дотоодын эрэлтийн сул байдлыг бүрэн нөхөхөд хангалтгүй байна. Иймээс Хятадын эдийн засгийн сэргэлт өндөр технологийн салбарт төвлөрч, бусад салбарын өсөлт харьцангуй удаашралтай хэвээр байна.