2023 оны дэлхийн авьяас, ур чадварын тайланд Монгол Улс 64 улсаас хамгийн сүүлд орлоо.

2023 оны Дэлхийн авьяас, ур чадварын тайланд Монгол Улс хөрөнгө оруулалт, хөгжлийн хүчин зүйлээр 61-т, авьяас, ур чадварыг татах хүчин зүйлээр 64-т, мэргэжилтэн, ажиллах хүчийг ажиллуулах нээлттэй, бэлэн байдлаар 63-т эрэмбэлэгджээ. Авьяас, ур чадвар хамгийн сул орнуудаар Венесуэл 62 дугаарт, Бразил 63 дугаарт, Монгол Улс 64 дүгээрт оржээ.

Тус тайланг 2023 онд Швейцар улс тэргүүлж, Люксембург, Исланд, Бельги, Нидерланд улсууд эхний тавд багтжээ. Харин АНУ 15-т, БНХАУ 41-т, Япон улс 43 дугаарт эрэмбэлэгджээ.

Авьяас, ур чадварын үнэлгээний тэргүүлэгчид нь ерөнхий боловсролын хичээлээс илүү мэргэжлийн сургалт, дагалдан сургахыг чухалчилдаг улс орнууд байна.