HP компьютерийн борлуулалт 29 хувь буурчээ

HP Inc -ийн 2 дугаар улирлын орлого зах зээлийн хүлээлтэд хүрээгүйн улмаас хувьцаа нь биржийн дараах арилжаагаар 3 хувь уналаа. 

Инфляцын улмаас компьютерийн эрэлт муу байгаа нь компанийн борлуулалтыг 29 хувь агшихад нөлөөлсөн байна. Түүнчлэн принтерийн борлуулалт 5 хувь буурчээ. 

IDC судалгааны байгууллагын тооцоолсноор дэлхий дээр компьютерийн борлуулалт 30 орчим хувиар буурсан аж. 

Тус компанийн 2 дугаар улирлын орлого 12.91 тэрбум ам.доллар хүрсэн боловч шинжээчид 13.07 тэрбум ам.долларын орлого олно хэмээн таамаглаж байсан билээ.