АНУ-ын технологийн салбарын томчууд Трамп-Ши нарын уулзалтад оролцоно

БНХАУ-ын дарга Ши Жиньпин энэ долоо хоногт АНУ-д төрийн айлчлал хийхээр төлөвлөж байна. Айлчлалын хүрээнд Вашингтонд болох оройн зоогт АНУ-ын технологи, санхүүгийн салбарын томоохон удирдлагууд оролцохоор болжээ.

Одоогоор Nvidia-ийн Женсен Хуанг, OpenAI-ийн Сэм Алтман, Google-ийн Сундар Пичай, Tesla болон SpaceX-ийн Илон Маск, Apple-ийн Тим Күүк, Meta-ийн Марк Зукерберг, Microsoft-ийн Сатья Наделла, мөн Amazon, Citigroup, Dell-ийн удирдлагууд оролцох төлөвтэй байна.

Харин Ши Жиньпинтэй хамт АНУ-д очих Хятадын бизнесийн төлөөлөгчдийн нэрс албан ёсоор тодорхой болоогүй байна.  АНУ, БНХАУ-ын хооронд технологи, хөрөнгө оруулалт болон худалдааны хязгаарлалт үргэлжилж буй үед энэхүү уулзалт нь хоёр улсын эдийн засаг, технологийн харилцааны цаашдын чиглэлийг ажиглах чухал үйл явдал болж байна.