OpenAI АНУ-ын засгийн газарт хувьцаагаа санал болголоо

OpenAI АНУ-ын засгийн газарт компанийнхаа хувьцааны 5%-ийг санал болгож магадгүй тухай мэдээлэл зах зээлд томоохон анхаарал татаж байна. Sam Altman энэ саналыг Donald Trump-ийн засаг захиргаатай хийж буй хэлэлцээний хүрээнд дэвшүүлсэн байна. Гол зорилго нь зөвхөн хөрөнгө босгох асуудал биш. Сүүлийн үед Вашингтонд Америкийн AI компаниудын эсрэг мэдээллийн аюулгүй байдлын эрсдэл, мөн Хятадын хямд бөгөөд өрсөлдөх чадвартай AI загваруудын өсөлттэй холбоотой зохицуулалтын дарамт нэмэгдэж байгаа. Үүний улмаас OpenAI засгийн газрыг шууд “хувьцаа эзэмшигч” болгох замаар улс төрийн эрсдэлийг бууруулах стратеги барьж байгаа гэж зах зээл харж байна. Өмнө нь зах зээл AI хөгжлийг цэвэр хувийн хэвшлийн инновац гэж хардаг байсан бол одоо хиймэл оюун ухаан үндэсний стратегийн хэмжээний салбар болж, засгийн газрын оролцоо улам нэмэгдэх шинэ үе шат эхэлж магадгүй байна.