Технологийн салбарын хувьцаануудын уналт Wall Street-ийг савлуулав

АНУ-ын хөрөнгийн зах зээл өчигдөр огцом савлаж, ялангуяа технологи болон хагас дамжуулагчийн салбарын хувьцаанууд хүчтэй уналтыг үзүүллээ. Үүний нөлөөгөөр NASDAQ Composite индекс 2.2%, S&P 500 индекс 1.4%-иар тус тус буурсан байна. Зах зээлийн гол болгоомжлол нь AI салбарын хувьцаануудын өндөр үнэлгээ болон дата төвийн томоохон хөрөнгө оруулалтууд нь их хэмжээний өрөөр санхүүжиж буйд байна. Мөн Өмнөд Солонгост unrealized gain буюу бодитоор хэрэгжээгүй ашгаас татвар авах тухай хэлэлцэж эхэлсэн гэх мэдээлэл гарсны дараа KOSPI индекс 10%-иар унасан нь зах зээлийн савлагааг улам нэмэгдүүлсэн байна.