Хятадын эдийн засаг: нийлүүлэлт хүчтэй ч эрэлт сул хэвээр

БНХАУ-ын эдийн засгийн идэвхжил 2026 оны 5-р сард суларч, дотоод хэрэглээ, хөрөнгө оруулалт, үл хөдлөх хөрөнгийн салбарын дарамт үргэлжилснийг шинэ статистик харууллаа.

Тухайлбал жижиглэн худалдааны борлуулалт 2022 оны сүүлээс хойш анх удаа 0.6%-иар буурч, хэрэглээний идэвхжил сул байгааг илтгэв. Харин аж үйлдвэрийн үйлдвэрлэл 4.5%-ийн өсөлттэй гарч, ажилгүйдэл 5.1% болж буурсан нь цөөн эерэг үзүүлэлт болов.

Үүнээс харвал, Хятадын эдийн засагт үйлдвэрлэл, экспорт харьцангуй тогтвортой ч дотоод эрэлт, үл хөдлөх хөрөнгө, бизнесийн хөрөнгө оруулалт сул хэвээр байна. Ингэснээр дэлхийн хоёр дахь том эдийн засгийн өсөлт удааширч, ойрын саруудад бодлогын нэмэлт дэмжлэг шаардлагатай болох төлөв ажиглагдаж байна.