Anthropic AI стартапуудыг үнэлгээгээр тэргүүлэв

Anthropic шинэ хөрөнгө оруулалтын шатандаа $65 тэрбум татан төвлөрүүлж, компанийн үнэлгээ $965 тэрбумд хүрснээр OpenAI-ийн $852 тэрбумын үнэлгээг давж, дэлхийн хамгийн өндөр үнэлгээтэй AI стартап боллоо. Claude чатботын хөгжүүлэгч тус компанийн үнэлгээ хоёрдугаар сард ердөө $380 тэрбум байсан бол ийнхүү хэдхэн сарын дотор хоёр дахин өссөн нь AI салбар дахь өрсөлдөөн улам ширүүссэнийг харуулж байна.

Anthropic-ийн мэдээлснээр Claude-ийн хэрэглээ эрчимтэй өсөж, компанийн жилийн орлогын хурдац энэ сард $47 тэрбумыг давжээ. Өндөр эрэлтээс шалтгаалан Anthropic зарим үед хэрэглэгчдийн хэрэглээнд хязгаарлалт тавихад хүрсэн бөгөөд үүний улмаас тооцооллын хүчин чадлаа эрчимтэй нэмэгдүүлэхээр зорьж байна.

Тус санхүүжилтийн шатанд томоохон венчур болон хөрөнгө оруулалтын сангууд оролцсон бол Micron, Samsung, SK Hynix зэрэг AI санах ойн чип үйлдвэрлэгчид мөн стратегийн хөрөнгө оруулагчаар нэгдсэн байна. Мөн Amazon өмнө нь хийсэн $8 тэрбумын хөрөнгө оруулалт дээрээ нэмээд нийт $25 тэрбум хүртэл хөрөнгө оруулахаар амлажээ.