Ормузын хоолойн тээвэр сэргэх үү: АНУ, Иран шинэ тохиролцоонд хүрэв

АНУ болон Иран Ормузын хоолой дахь тээврийг сэргээж, гал зогсоох хэлэлцээрийг дахин 60 хоногоор сунгах тохиролцоонд хүрсэн талаар эх сурвалжууд мэдээллээ. Гэхдээ уг хэлэлцээрийг Доналд Трамп эцэслэн батлаагүй байгаа бөгөөд Ираны тал “эцсийн байдлаар баталгаажаагүй” хэмээн мэдэгдсэн байна.

Хэрэв хэрэгжвэл энэ нь хоёрдугаар сараас эхэлсэн мөргөлдөөнөөс хойших энхийн хамгийн том ахиц болох юм. Тохиролцооны хүрээнд Ормузын хоолойгоор нефть, LNG-ийн тээврийг хэвийн сэргээж, АНУ Ираны боомтуудын бүслэлтийг сулруулах, зарим нефтийн хоригийг цуцлах асуудал багтаж байгаа аж.

Харин цөмийн хөтөлбөр, хориг арга хэмжээ, бүс нутгийн цэргийн оролцоо зэрэг илүү төвөгтэй асуудлуудыг дараагийн шатны хэлэлцээнд үргэлжлүүлэн хэлэлцэхээр төлөвлөжээ.