Alphabet дэлхийн хамгийн өндөр үнэлгээтэй компани болоход ойртлоо

Хиймэл оюун ухаанд суурилсан технологийн салбарын өрсөлдөөн шинэ шатанд орж, Alphabet болон Nvidia хоёрын зах зээлийн үнэлгээ бараг тэнцэх хэмжээнд хүрээд байна.

Сүүлийн арилжааны өдөр Alphabet-ийн хувьцаа огцом өсч, компанийн зах зээлийн үнэлгээ $4.66 их наяд-д хүрсэн бол Nvidia одоогоор $4.85 их наяд-ын үнэлгээтэйгээр дэлхийд тэргүүлж байна. Энэ нь Alphabet ердөө 4% зөрүүтэйгээр Nvidia-г гүйцэхэд ойртсон байна.

Энэхүү өсөлтийн гол шалтгаан нь Alphabet-ийн хүлээлтээс давсан санхүүгийн тайлан, ялангуяа Google Cloud-ийн орлогын огцом өсөлт болон хиймэл оюун ухаанд чиглэсэн хөрөнгө оруулалтаа эрс нэмэгдүүлэх төлөвлөгөө байв. Зах зээл үүнийг ирээдүйн AI өрсөлдөөнд давуу байр суурь эзлэх дохио гэж хүлээн авсан.

Харин Nvidia нь AI чипийн зах зээлийг тэргүүлсээр байгаа ч Alphabet-ийн энэхүү хүчтэй өсөлт нь “AI-ийн дараагийн ялагч хэн бэ?” гэсэн асуултыг дахин хурцатгаж байна.

Хэрэв Alphabet энэ өсөлтийн хурдаа хадгалж чадвал, дэлхийн хамгийн өндөр үнэлгээтэй компанийн байр суурийг тун ойрын хугацаанд өөрчлөх боломжтой болж байна.