МОНГОЛ УЛСЫН ЗАСГИЙН ГАЗАР БОНДЫН ДАХИН САНХҮҮЖИЛТ ХИЙХЭЭР ТӨЛӨВЛӨЖ БАЙНА

Монгол Улсын Засгийн газар 2026, 2027, 2028 онд үндсэн төлөлт нь хийгдэх гадаад бондуудыг дахин санхүүжүүлэх зорилгоор 6 жилийн хугацаатай шинэ бондуудыг гаргахаар ажиллаж байна.

Тодруулбал, Засгийн газар олон улсын HSBC, Morgan Stanley, Standard Chartered Bank банкнуудтай хамтран 2026 оны хоёрдугаар сарын 24-ний өдрөөс эхлэн хөрөнгө оруулагчидтай уулзалт зохион байгуулж, шинэ бондын талаарх мэдээллийг танилцуулахаар төлөвлөжээ.

Дахин санхүүжилтийн хүрээнд 2026 оны 4 дүгээр сарын 7-нд хугацаа нь дуусах 5.125%-ийн хүүтэй “Номад” бонд, 2028 онд төлөгдөх 8.650%-ийн, мөн 2029 онд төлөгдөх 7.875%-ийн хүүтэй бондуудыг буцаан худалдан авах бөгөөд энэ үйл ажиллагаанд шаардагдах зардлыг шинэ бондоос татан төвлөрүүлэхээр төлөвлөсөн байна.

Шинэ бондуудын зээлжих зэрэглэл нь дараах байдлаар тогтвортой үнэлгээтэй байх хүлээлттэй байна:

Moody’s: B1 (Stable)

S&P: BB- (Stable)

Fitch: B+ (Stable)