Монголбанкнаас улирал бүр гаргадаг макро эдийн засгийн таамаглал

2025 оны IV улиралд

• Инфляц бага зэрэг буурч 9.5%
• Эдийн засгийн өсөлт 5.6%
• Бодлогын хүү өнөөгийн түвшинд 11.9%
• Зээлийн хүү өнөөгийн түвшинд 17.3% болно гэж таамагласан байна.

2026 оны III улиралд

• Инфляц бага зэрэг буурч 9.1%
• Эдийн засгийн өсөлт 5.3%
• Бодлогын хүү бага зэрэг буурч 11.3%
• Зээлийн хүү өнөөгийн түвшинд 17.2% болно гэж таамагласан байна

Инфляцын хувьд

2025 оны III улиралд Улаанбаатар хотын жилийн инфляц 9.9% болж, өмнөх улирлын шинжээчдийн таамаглалаас 0.6 нэгж хувиар өндөр гарлаа.

Шинжээчид инфляц ойрын хугацаанд аажмаар саарч, 2025 оны IV улиралд 9.5%, жилийн дараа 9.1% орчимд тогтворжино гэж таамаглаж байна.

Ерөнхийдөө шинжээчдийн инфляцын таамаглал өмнөх судалгаатай ойролцоо хэвээр байна. Тодруулбал, инфляц ойрын улирлуудад 9-10 хувийн орчимд тогтвортой хадгалагдах чиг хандлага давамгайлж байна.

Эдийн засгийн өсөлт

2025 оны III улиралд бодит ДНБ-ий жилийн өсөлт 5.9% гарч, шинжээчдийн өмнөх таамаглалаас 0.5 нэгж хувиар өндөр байна.

Шинжээчид эдийн засгийн өсөлт цаашид бага зэрэг саарч, 2025 оны IV улиралд 5.6%, 2026 оны III улиралд 5.3% орчимд хадгалагдана гэж таамаглажээ. Ерөнхийдөө эдийн засгийн өсөлт ойрын хугацаанд тогтвортой, дунд зэргийн хурдтай үргэлжлэх төлөвтэй байна.

Бодлогын хүү

Шинжээчид төв банкны бодлогын хүүг 2025 оны IV улиралд дунджаар 11.9%, ихэнх нь 12.0% байна гэж таамаглаж байна.

Цаашид бодлогын хүү бага зэрэг буурч, 2026 оны III улиралд 11.3% орчимд хүрнэ гэсэн хүлээлттэй байна. Өмнөх улирлын судалгаатай харьцуулахад бодлогын хүүгийн таамаглал ялимгүй дээшилжээ.

Данс нээх, арилжаанд оролцох:

https://trader.golomtcapital.com/

7012-1530