Трамп Дээд шүүхээс “Тариф”-ын Давж Заалдах Хэргийг Хэлэлцэхийг Хүсэв

Дональд Трамп IEEPA (Олон улсын яаралтай эдийн засгийн онцгой эрхийн тухай хууль)-ийг ашиглан бараг бүх улсын эсрэг өндөр тариф тогтоож, дөрөвдүгээр сарын 2-ноос хэрэгжүүлж эхэлсэн.

Тэрбээр АНУ-ын худалдааны алдагдлыг үндэсний аюулгүй байдлын хэмжээнд онцгой байдал гэж зарласан билээ.

Тэгвэл өнгөрсөн сарын 29-нд болсон АНУ-ын Холбооны давж заалдах шатны шүүх хурлаас 7/4 харьцаатайгаар түүнийг Ерөнхийлөгчийн эрх мэдлээ хэтрүүлсэн гэж дүгнэсэн байна.

Шүүхээс "Тариф тогтоох эрх нь Үндсэн хуулиар Конгресст олгогдсон бүрэн эрх" хэмээн онцлоод байгаа юм. Ингэснээр Трампын хэрэгжүүлж буй эдийн засгийн гол бодлого тодорхойгүй байдалд ороод байна.