Сүү ХК 17% хүүтэй бонд гаргана

"Сүү" ХК энэ сарын эхээр Санхүүгийн зохицуулах хороо (СЗХ)-ноос шинэ бонд гаргах зөвшөөрлөө авч, Улаанбаатарын үнэт цаасны биржээр арилжаалахаар боллоо.

Бондын нөхцөл:

• Нийт дүн: 5 тэрбум төгрөг

• Хугацаа: 1 жил

• Жилийн хүү: 17%

Энэ нь "Сүү" ХК-ийн гаргаж буй хоёр дахь бонд юм. Тус компани анх 2017 онд бонд гаргаж, хөрөнгө оруулагчдаас 6 тэрбум төгрөгийг амжилттай татан төвлөрүүлж байв.

Энэхүү бондыг Улаанбаатарын үнэт цаасны биржээр арилжаалах нь дотоодын хөрөнгийн зах зээл дэх бондын арилжааг идэвхжүүлж, жижиг, дунд хөрөнгө оруулагчдын оролцоог нэмэгдүүлэх ач холбогдолтой юм.