АНУ-ын хөрөнгийн зах зээл идэвхгүй болж, олны анхаарал инфляц руу чиглэв

Өчигдрийн арилжаагаар АНУ-ын гол индексүүд унаж хаагдлаа. Учир нь зах зээл энэ долоо хоногт гарах инфляцын чухал мэдээллийг хүлээж байна.

Өнөөдөр Хэрэглээний үнийн индекс (CPI), пүрэв гарагт Үйлдвэрлэгчийн үнийн индекс (PPI) нийтлэгдэх бөгөөд эдгээр нь Холбооны Нөөцийн банкны (ХНС) 9 сарын бодлогын хүүгийн шийдвэрт гол нөлөө үзүүлнэ.

Хэрэв инфляц хүлээлтээс өндөр гарвал зах зээлийн өсөлт саарч магадгүй юм.

Инфляцын урьдчилсан таамаг:

Урьдчилсан таамгаар 7 сарын инфляцын үзүүлэлтүүд өмнөх сараас өсөх төлөвтэй байна:

• Хэрэглээний үнийн индекс (CPI):

  • Сарын дүнгээр: +0.2%

  • Жилийн дүнгээр: +2.8%

• Үндсэн CPI (хүнс, эрчим хүчийг хассан):

  • Сарын дүнгээр: +0.3%

  • Жилийн дүнгээр: +3.1%

Эдгээр үзүүлэлтүүд нь 8 сарын 21–23-нд болох ХНС-ийн Жэксон Холын уулзалтын өмнө гарч байгаа бөгөөд энэ уулзалт 9-р сарын бодлогын хүүгийн хурлын өнгө аясыг тодорхойлох магадлалтай.

Одоогоор зах зээл 9 сард хүү бууруулах магадлалыг 87% гэж үнэлж байгаа ч зарим шинжээчид энэ нь хэт өөдрөг хандлага байж болзошгүйг анхааруулж байна.