BNP Paribas: 2025 оны эдийн засгийн төсөөлөл

2025 онд дэлхийн эдийн засаг худалдааны тодорхойгүй байдал, тарифын дарамтаас шалтгаалан нийтээрээ саарлаа.

АНУ: Өсөлт саарч, бодлогын хүү тогтворжино

АНУ-ын өсөлт 1.7 хувь болж, өмнөх оны 2.8 хувиас эрс доошлов. BNP Paribas-ын төсөөллөөр инфляц 2026 оны 2-р улиралд 3.4 хувьд хүрэх төлөвтэй байна. Холбооны нөөцийн сан бодлогын хүүг 2025 онд 4.25-4.5 хувийн түвшинд тогтвортой хадгална.

• Эдийн засгийн өсөлт: 1.7%

• Бодлогын хүү: 4.25-4.5%

• Инфляцын төсөөлөл (2026 онд): 3.4%

Хятад: Үл хөдлөхийн уналт ба дефляцийн дарамт

Хятадын эдийн засаг 5 хувиас доош өсөхөөр байна. Үл хөдлөх хөрөнгийн уналт болон хэрэглэгчдийн итгэл сул байгаа нь дотоод эрэлтийг хязгаарлаж байна. АНУ-тай үүссэн худалдааны зөрчил экспортод сөргөөр нөлөөлж, дефляцийн дарамт үргэлжилж байна.

• Эдийн засгийн өсөлт: < 5%

• Гол сорилтууд: Үл хөдлөх хөрөнгийн уналт, худалдааны зөрчил, дефляц.

Евро бүс: Бага зэргийн сэргэлт ба хязгаарлагдмал өсөлт

Евро бүсийн өсөлт цэрэг, төсвийн зардлын өсөлтөөс дэмжлэг авч бага зэрэг сэргэх хандлагатай. Гэвч Хятадын эдийн засгийн удаашрал, үйлдвэрлэлийн сул байдал зэрэг нь хязгаар болж байна. Европын төв банк бодлогын хүүгээ 1.75 хувьд хүргэж, инфляцыг 2 хувьд тогтворжуулна.

• Төв банкны зорилт: Бодлогын хүү 1.75%, инфляц 2%.

• Эрсдэл: Хятадын эдийн засгийн удаашрал.

Япон: Экспортын бууралт ба мөнгөний бодлогын чангарал

Японы эдийн засаг 0.7 хувийн өсөлт үзүүлэх төлөвтэй. АНУ-ын худалдааны бодлогоос үүдэлтэй экспортын бууралт болон дотоод эрэлтийн сул байдал нь өсөлтийг хязгаарлаж байна. Японы төв банк мөнгөний бодлогоо аажмаар чангатгаж, хүүгээ 0.75 хувьд хүргэхээр байна.

• Эдийн засгийн өсөлт: 0.7%

• Төв банкны зорилт: Бодлогын хүү 0.75%

Валютын зах зээл: Евро/Доллар

Евро валют долларын эсрэг бага зэрэг чангарч байгаа ч АНУ-ын өндөр бодлогын хүү энэ өсөлтийг хязгаарлах төлөвтэй.