Онцлох бүтээгдэхүүнүүдийн зах зээлийн техник хандлага

Крипто: 

Биткойны арилжаачид Decentralized бирж Derive дээр үнэ унах эрсдэлийг бодитой гэж үзжээ.

• Одоогоор нийт опционы арилжааны 70% нь 85,000−85,000−106,000 хооронд стрейк ханштай put опционоор хийгдсэн байна.

Таваар: 

Мөнгөний үнэ 1.8%-иар буурч $35.99-д хүрсэн. Энэхүү уналтын шалтгаанууд:

• Аюулгүй хөрөнгийн эрэлт буурсан: Израил, Ираны гал зогсоох хэлэлцээрээс үүдэн аюулгүй хөрөнгө рүү чиглэсэн эрэлт суларсантай холбоотой.

• АНУ-ын бодлогын хүлээлт: АНУ-ын бондын өгөөж өсөж, Холбооны Нөөцийн Банкны хүүгийн бодлого зөөлрөхгүй гэсэн хүлээлт өссөн нь мөнгөний үнэ унах дарамтад оруулжээ.

Гэсэн ч шинжээчид энэ уналтыг зах зээлийн урт хугацааны өсөлтийн чиг хандлагад хамаарах түр ухралт гэж үзэж байна.

ETF (Биржээр арилжаалагддаг сан): 

ARK Innovation ETF (ARKK) 4 сараас хойш 70%-иар өсөөд байна. Гэсэн ч BTIG-ийн шинжээч Жонатан Крински (CMT) дараах анхааруулгыг өгчээ:

“ARKK-ийн үнэ сүүлийн үед хэт хурдан өсөж, 50 өдрийн дундаж ханшаас 26%-иар давсан нь өмнөх 2 оронтой хувийн уналт дагуулж байсан жишээнүүдтэй адил байна. Тиймээс одоо ашгаа баталгаажуулж зарах нь зүйтэй” хэмээн анхааруулжээ.

Хувьцаа: 

Estee Lauder-ийн хувьцааны хувьд Fairlead Strategies-ийн Кэти Стоктон (CMT) графикт өсөлтийн дохио өгч, "bullish breakout" үүсэж эхэлсэн нь богино хугацааны өсөлтийн боломж хайж буй momentum арилжаачдын анхаарлыг татаж байгааг онцлон дурджээ.