УДАХГҮЙ ХЯТАД-АНУ ХУДАЛДААНЫ ХЭЛЭЛЦЭЭРИЙН ТАЛААР ДАХИН УУЛЗАНА

Одоогоор АНУ-БНХАУ-ын худалдааны хэлэлцээр гацаанд ороод байгаа юм. АНУ-ын Сангийн сайд Скотт Бессент “Ойрын хугацаанд бид дахин хэлэлцээр хийх төлөвтэй байна. Хоёр улсын удирдагч утсаар ярих боломжтой" хэмээв.

Тэрээр өнгөрсөн сард 2 улсын харилцаа хурцадмал байдалд ороход томоохон эргэлт авчирсан хэлэлцээрийг Швейцарьт хийхэд гол үүрэг гүйцэтгэсэн юм.

Уг хэлэлцээрийн үр дүнд талууд 100%-иас давсан нэмэлт тарифуудыг 90 хоногийн хугацаанд буюу 8 сарын дунд хүртэл түр зогсоохоор тохирсон билээ.

Хоёр улсын удирдагчид хамгийн сүүлд 1 сард Трамп хоёр дахь бүрэн эрхээ эхлүүлэхээс өмнө уулзсан. Хятадын зүгээс АНУ-аас ямар нэгэн гэнэтийн алхам хийхгүй гэдэгт итгэлтэй болсны дараа дахин хэлэлцээр хийхэд бэлэн байна гэж шинжээчид үзэж байна.Хятадын Худалдааны яамны төлөөлөгч Хө Юнчян, Бээжин АНУ-тай хэлэлцээр хийх сонирхолтой байгаа гэж мэдэгдсэн ч чип экспортын хязгаарлалтын тухайд тодорхой хариу өгөөгүй юм. Тэрээр энэ нь цэргийн болон энгийн зориулалтаар ашиглагдаж болох бараа бүтээгдэхүүний олон улсын хэм хэмжээнд нийцэж байгаа гэж тайлбарласан.