APPLE-Н ҮЙЛДВЭРҮҮД ЭНЭТХЭГ РҮҮ ШИЛЖИНЭ

Apple компани энэ жил АНУ-аас 19 тэрбум гаруй ам.долларын үнийн дүнтэй чип худалдан авахаар төлөвлөж байна. Энэ нь компанийн дэлхийн хангамжийн сүлжээг дахин зохион байгуулж, Хятадаас хамаарлаа аажмаар бууруулах, iPhone үйлдвэрлэлд Энэтхэгийн үүргийг нэмэгдүүлэх бодлогын нэг хэсэг юм.

Гүйцэтгэх захирал Тим Күүк АНУ-ын Аризона мужид үйл ажиллагаагаа өргөжүүлж, зургаан үйлдвэртэй болохоор төлөвлөж буй Тайванийн Semiconductor Manufacturing Co. (TSMC)-д илүү найдвар тавьж буйгаа дурдсан.

Түүнчлэн Күүк АНУ-д зориулагдсан iPhone-уудын ихэнхийг ирээдүйд Энэтхэгт үйлдвэрлэх болно гэсэн хүлээлтийг баталсан. Энэ нь Хятадад үйлдвэрлэх хэмжээг бууруулахад чиглэж байгаа бөгөөд АНУ-ын ерөнхийлөгч асан Дональд Трамп Хятадад хариу тариф ногдуулах талаар сүрдүүлж буйтай холбоотой. Орлогоо танилцуулсны дараах тайлбар хурал дээр Энэтхэгийг дурдсан нь Хятадтай эн зэрэгцэхүйц олон байсан нь тус улсын өсөн нэмэгдэж буй ач холбогдлыг харууллаа.

Гэсэн ч Тим Күүк хэрэглээний цахилгаан бараанд ногдуулж болзошгүй шинэ тарифууд Apple-ийн бизнесэд хэрхэн нөлөөлөх талаар тавьсан асуултуудад тодорхой хариулт өгсөнгүй. Тэрээр “Зургаадугаар сараас цааш юу болохыг таамаглах тун хэцүү” гэж хэлсэн.