Томоохон банкнууд S&P500-н ханшийн таамаглалаа буурууллаа

S&P 500 индекс оройн цэгээсээ ойролцоогоор 10 орчим хувиар унаад байгаа бөгөөд томоохон хөрөнгө оруулалтын банкнуудын шинжээчид энэ оны ханшийн таамаглалаа шинэчиллээ.

Goldman Sachs-ийн АНУ-ын хөрөнгийн зах зээлийн ахлах стратегич Дэвид Костин энэ уналтын дараа S&P 500 индексийн жилийн эцсийн зорилтот түвшинг бууруулсан анхны томоохон шинжээч болов. Тэрбээр өмнөх 6,500 нэгжийн таамгаа 6,200 болгон бууруулжээ. Засварын хөдөлгөөн энэ оны 9 сар хүртэл ойролцоогоор үргэлжилж оны эцэс гэхэд сэргэн дунджаар 6500 орчим түвшинд хүрнэ гэсэн таамаглалтай байна.