Super Micro компани S&P500 индекст орох болсноор хувьцаа нь 18% өслөө

Өчигдрийн арилжаагаар S&P 500 индекст багтахаар болсон Super Micro Computer технологийн компанийн хувьцааны ханш нь 18 хувь өссөн байна. Тус компани энэ сарын 18-нд гэр ахуйн бараа борлуулалтын Whirlpool компанийн оронд S&P 500 индекст орох юм.

Дахин өсөлт--------------------

Super Micro компанийн хувьцааны ханш энэ жил 278 хувь өсөөд байгаа бол 2023 онд 246 хувь өсжээ. Өнгөрсөн оны сүүлийн улирал Super Micro компанийн борлуулалтын орлого 3.66 тэрбум ам.долларт хүрч 2 дахин өссөн бол шинжээчдийн хүлээлтээр энэ улиралд тус үзүүлэлт 3 дахин өсөхөөр байна.

 

Зах зээлийн үнэлгээ--------------------

 

2024 оны 3 сарын 5-ны байдлаар Super Micro Computer компанийн зах зээлийн үнэлгээ 60 тэрбум ам.долларт хүрээд байна.