Крипто зах зээлд найдвар үлдсэн үү? 

Өнгөрсөн долоо хоногт крипто зах зээлийн уналтаас болж олон хүн мөнгөө алдаж, томоохон алдагдал хүлээлээ.

Ether, Ripple-тэй зэрэгцэх 1 дүгээр зэрэглэлийн койн нуран унаж 80 тэрбум ам.доллар зах зээлээс замхран алга болсон тохиолдол крипто зах зээлд урьд хожид тохиож байгаагүй юм.

Тогтвортой гэх ангилалд багтдаг энэхүү койны уналт нь олон хүмүүсийн итгэлийг мохоож, крипто зах зээлд уналт удаан үргэлжлэх хөшүүрэг болох магадлалтай байна.  

Лунагийн огцом уналт нь криптовалютын зах зээлийг бүхэлд нь цочирдуулсан бөгөөд шинжээчид үүнийг 2008 оны санхүүгийн томоохон хямралтай адилтгаж байгаа юм. Криптовалютын ертөнцийн харьцангуй аюулгүй хөрөнгө оруулалт гэгддэг эдгээр койны уналт нь зохицуулагчид болон эрх баригчдыг илүү хатуу хууль батлахад хүргэж болзошгүй байна.