Криптовалютын зах зээлээс 200 тэрбум ам.доллар арчигдлаа

Хөрөнгийн зах зээл унаж буй учраас хөрөнгө оруулагчид алдагдалд орохоос эмээн хөрөнгө оруулалтаа татаж байна. Ялангуяа криптовалютад хөрөнгө оруулсан хүмүүс хөрөнгөө их хэмжээгээр татаж авснаар тус зах зээлээс нийт 200 тэрбум ам.доллар арчигдлаа.

Өчигдөр Bitcoin-ы ханш 25,401.29 ам.долларт хүрсэн нь сүүлийн 16 сарын хамгийн доод цэг болов. Ethereum криптовалютын ханш мөн унаснаар 1,937.88 ам.долларт хүрсэн байна. Хамгийн их алдагдал хүлээсэн криптовалют болох Luna-гийн ханш бараг 100 хувиар унаад байна.