Link

Бидний тухай

Бидний тухай

АМЖИЛТЫН ТОВЧООН

ҮНДСЭН АНДЕРРАЙТЕРААР АЖИЛЛАСАН ТӨСЛҮҮД Голомт Капитал ҮЦК ХХК нь үндсэн андеррайтераар нь ажилласан төслүүдээ амжилттай хэрэгжүүлж, хөрөнгийн зах зээлээс нийт 19,6 тэрбум төгрөг татан төвлөрүүлээд байна. Монголд анх удаа зарлагдсан компанийн нээлттэй бонд Сүү ХК-ийн нэг жилийн хугацаатай, 17.5 хувийн хүүтэй зарлагдсан, 6 тэрбум төгрөгийн нээлттэй бондыг 2017.06.29-ний өдөр Монголын хөрөнгийн бирж /МХБ/ ХК-иар амжилттай арилжиж, 800,000,000 төгрөгөөр захиалга даван биелэв. Монголын хөрөнгийн зах зээлийн түүхэн дэх хамгийн их хөрөнгө оруулалт татсан гэдгээрээ тэмдэглэгдсэн тус бондын эргэн төлөлт 2018 оны 2 дугаар улиралд амжилттай хийгдсэн. Таван компанийн хаалттай бондыг хөрөнгийн зах зээлд амжилттай гаргав. Урбан бонд Денимон ХХК-ийн хаалттай бондыг гурван үе шаттайгаар хэрэгжүүлэв. 2017 оны 03 сард 310,000,000 төгрөг2017 оны 07 сард 755,000,000 төгрөг2018 оны 03 сард 1,000,000,000 төгрөгНийт 2,065,000,000 төгрөгийн бондыг хаалттай хүрээнд амжилттай гаргасан. Эдгээр бондын эргэн төлөлт амжилттай хийгдээд байна. Монголиан мортгэйж фанд ББСБ ХХК-ийн бонд 2015 оны 10 сард 400,000,000 төгрөг2017 оны 04 сард 750,000,000 төгрөгНийт 1,150,000,000 төгрөгийн бондыг хаалттай хүрээнд амжилттай гаргасан. Тус бондын эргэн төлөлт амжилттай хийгдсэн. Нэткапитал финанс корпораци ББСБ ХХК-ийн бонд 2018 оны 03 сард 1,000,000,000 төгрөгийн хаалттай бондыг амжилттай гаргав.   Бэрс бонд Бэрс капитал ББСБ ХХК-ийн нэг бүр нь 100,000 төгрөгийн нэрлэсэн үнэтэй, жилийн 18%-ийн хүүтэй,  нийт 1 тэрбум төгрөгийн бондыг амжилттай гаргав. Алтан намар бонд Алтан намар трэйд ХХК-ийн нэг бүр нь 1,000,000 төгрөгийн нэрлэсэн үнэ бүхий жилийн 20%-ийн хүүтэй, нийт 400,000,000 төгрөгийн бондыг амжилттай гаргалаа. Эргэн төлөлт нь 2019 оны 11 сард хийгдэнэ. АМЖИЛТТАЙ ХЭРЭГЖСЭН IPO ТӨСӨЛГоломт Капитал ҮЦК ХХК нь хөрөнгийн зах зээлээс нийт 18,5 тэрбум төгрөгийн бондыг татан төвлөрүүлсэн амжилтыг үзүүлээд байна. Монголын даатгалын салбарын анхны IPO-г амжилттай хэрэгжүүлэв. Мандал даатгал ХК нь нийт хувьцааныхаа 25%-ийг нэгжийн үнэ нь 4,800 төгрөгөөр олон нийтэд санал болгосон. Анхдагч зах зээлийн арилжаа 2018.09.04-18-ний өдрүүдэд явагдаж нийт 7,491,619,200 төгрөгийг амжилттай татан төвлөрүүлэв.   Монголын анхны ХАА-н салбарын төдийгүй хамгийн өндөр дүнтэй IPO-г хэрэгжүүлэв. Түмэн Шувуут ХК нь нийт хувьцааныхаа 25% буюу 50,000,000 ширхэг хувьцааг тус бүр нь 200 төгрөгөөр олон нийтэд санал болгож, монголын хувийн хэвшлийн салбараас анх удаа хамгийн өндөр дүнтэй буюу 10,000,000,000 төгрөгийг татан төвлөрүүлэв. ТУСЛАХ АНДЕРРАЙТЕРААР АЖИЛЛАСАН ТӨСЛҮҮД Голомт Капитал ҮЦК ХХК нь туслах андеррайтераар нь ажилласан төслүүдээ амжилттай хэрэгжүүлж, хөрөнгийн зах зээлээс нийт 3 тэрбум гаруй төгрөг татан төвлөрүүлсэн амжилтыг үзүүлээд байна. Эрдэнэ ресурс девелопмент корпорэйшн ХК Тус компани нь нийт 4,000,000 ширхэг хувьцааг нэг бүрийг нь 640 төгрөгөөр олон нийтэд санал болгож, нийт 2,560,000,000 төгрөгийг амжилттай татан төвлөрүүлэв. Тус компанийн хувьцааны захиалга нь 1,586,013,440 төгрөгөөр даван биелсэн юм.   Монголын анхны даатгагдсан Эрчим бонд Эрчим инженеринг ХХК-ийн Эрчим бондыг Монголын хөрөнгийн бирж ХК-иар 2015.08.21-өдөр арилжин нийт 500,000,000 төгрөгийг амжилттай татан төвлөрүүлсэн. Уг бонд нь 6 сарын хугацаатай, жилийн 18,5%-ийн хүүтэйгээр олон нийтэд зарлагдсан. Бондын эргэн төлөлт 2016 оны 2 сард амжилттай хийгдсэн бөгөөд захиалга нь 1,9 тэрбум төгрөгөөр давсан.   Говь ХК-ийн хувьцаа хуваах төсөл Говь ХК-тай байгуулсан зөвлөх үйлчилгээний гэрээний хүрээнд тус компанийн хувьцаа хуваах төсөл, хувьцаа эзэмшигчдийн ээлжит бус хурлыг зарлан хуралдуулахад шаардлагатай баримт материалын төслийг тус тус боловсруулж ажилласан. Ийнхүү тус компанийн хувьцаа хуваах төсөл нь СЗХ-ны хорооны 2018.11.30-ны өдрийн 57 тоот тогтоолын дагуу зөвшөөрлөө авч МХБ, ҮЦТХТ дээр холбогдох ажил хийгдэж байна. Амжилтын товчоон - Монгол Улсад анх удаа, үнэт цаасны зах зээлийн арилжаанд онлайнаар оролцох боломжийг нээсэн.  - Харилцагч өөрийн хувьцааны дансаа нээж, IPO /анхдагч зах зээл/ арилжаанд оролцох боломжтой SocialPay аппликэйшнийг нэвтрүүлсэн. 2018 оны 11 сарын байдлаар андеррайтераар оролцсон төслүүдийн нийт татан төвлөрүүлсэн хөрөнгийн дүн: - 22,066,619,200.00₮ /Хорин хоёр тэрбум жаран зургаан сая зургаан зуун арван есөн мянга хоёр зуун төгрөг/

Гүйцэтгэх захирлын мэндчилгээ

Голомт Капитал ҮЦК ХХК-ийн хамт олон бид таны хөрөнгийн зах зээлд хийх аяллын тань хөтөч, амжилтад хүрэх луужин тань байх болно гэдгээ илэрхийлэхэд таатай байна.   Манай хамт олны үйл ажиллагааныхаа бүхий л түвшинд, нэн тэргүүнд эрхэмлэн дээдэлж явдаг үнэт зүйл бол хөрөнгө оруулагч таны эрх ашиг билээ. Тиймээс бид олон улсын стандарт шаардлагад нийцсэн, хөрөнгө оруулагчдын санхүүгийн болон мэдээллийн аюулгүй байдлыг бүрэн хангасан.... системийг үйл ажиллагаандаа нэвтрүүлсэн юм. Ингэснээр хөрөнгө оруулагчид маань цаг хугацаа, орон зайн хязгаараас үл хамааран цахим сүлжээг ашиглан хөрөнгийн зах зээлийн харилцаанд оролцох бүрэн боломж бүрдсэн.   Бид өнгөрсөн хугацаанд Засгийн Газрын бонд болон бусад бүх  төрлийн үнэт цаасны арилжааг хөрөнгийн зах зээлээр дамжуулан олон нийтэд нээлттэй хүртээмжтэй хэлбэрээр хүргэж, баялгийн тэгш хуваарилалтад оролцохын зэрэгцээ үндэсний компаниудынхаа үйл ажиллагааг дэмжин ажиллаж ирснээрээ бахархдаг. Энэ буухиа  хэзээ ч үл тасран, үргэлжлэх болно гэдэгт итгэл төгс байна. Цаашид бид хөрөнгө оруулагч таны эрх ашгийг хамгаалахын тулд хөрөнгийн зах зээлд оролцогч болон зохицуулагч байгууллагуудтай хамтран, хууль эрх зүйн хүрээнд зохих шинэчлэл өөрчлөлтийг хийж, нийгмийн даатгалын сан, хувийн тэтгэврийн сан, даатгалын сан зэргээр дамжуулан мэргэжлийн хөрөнгө оруулагчдыг бэлтгэхэд хамтран ажиллах болно. Эрхэм хөрөнгө оруулагч таныг Голомт Капитал ҮЦК ХХК-ийн баг хамт олонтой  мөр зэрэгцэн алхаж, хөрөнгийн зах зээлийн ноён оргилд өөрийн амжилт ялалтын тугаа мандуулахыг хүсье! ГОЛОМТ КАПИТАЛ ҮЦК ХХК-ИЙН ГҮЙЦЭТГЭХ ЗАХИРАЛ О.МӨНХЖАРГАЛ

Түүхэн товчоон

Голомт Капитал ҮЦК ХХК нь үүсгэн байгуулагдсан цагаасаа эхлэн Монголын хөрөнгийн зах зээлийн хөгжилд хурд нэмсэн “Анхдагч” олон алхамыг хийсэн билээ. Мөн аж ахуйн нэгж, байгууллагын хөгжлийг дараагийн шатанд гаргах, ашигт ажиллагааг нь нэмэгдүүлэх, олон улсын зах зээлд хөл тавихад нь туслах,  хөрөнгө оруулагчийн боловсролыг дэмжих зэрэг үйлсийг санаачлан ажиллаж байна. 

Танилцуулга

МОНГОЛЫН ХӨРӨНГИЙН ЗАХ ЗЭЭЛИЙН ХӨГЖЛИЙГ ТҮҮЧЭЭЛЭГЧ ГОЛОМТ КАПИТАЛ ҮЦК ХХК Монгол Улсад эдүгээ 50 гаруй үнэт цаасны компани үйл ажиллагаа явуулж байна. Тэдний нэг болох Голомт капитал үнэт цаасны компани нь 2012 онд үүсгэн байгуулагдсан бөгөөд андеррайтер, брокер болон хөрөнгө оруулалтын зөвлөхийн үйлчилгээг хөрөнгө оруулагч дотоод гадаадын харилцагч, түнш, хамтран ажиллагч байгууллагууддаа үзүүлдэг.   Голомт капитал ҮЦК ХХК нь харилцагчдадаа Монголын болон Нью-Йорк, Наздак, Торонто, Хонг-Конг, Австрали зэрэг олон улсын хөрөнгийн биржийн арилжаанд оролцон, үнэт цаас худалдах, худалдан авахад зуучилдаг. Мөн дотоодын болон олон улсын хөрөнгийн зах зээл дээр хувьцаагаа анх удаа олон нийтэд нээлттэй арилжих, хаалттай хүрээнд арилжиж хөрөнгө босгох, нэмэлт хувьцаа гаргах, нээлттэй хувьцаат компанийг худалдан авах замаар хөрөнгийн зах зээлд нэвтрэх (reverse take-over) зэрэг арга замаар хөрөнгө босгоход нь албан ёсны андеррайтер, санхүүгийн зөвлөхийн үйлчилгээг үзүүлэн ажиллаж байна. Тус компани нь Монголын анхны даатгалын салбарын Мандал даатгал компанийн 7,491,619,200,  IPO, монголын анхны ХАА-н салбарын төдийгүй хамгийн өндөр дүнтэй IPO болох Түмэн шувуут компанийн 10 тэрбум төгрөгийн IPO, эрүүл мэндийг дэмжигч хүнсний бүтээгдэхүүн үйлдвэрлэгч Монос хүнс компанийн 8,6 тэрбум төгрөгийн IPO-г амжилттай хэрэгжүүлсэн нь салбартаа тэргүүлэгч байр суурийг нь улам бататгасан юм. Ингэснээр тус компани нь андеррайтерийн үйлчилгээний хүрээнд 2018 онд нийт 22,5 тэрбум төгрөг, 2019.01-р улирлын байдлаар 20,5 тэрбум төгрөгийг хаалттай болон нээлттэй зах зээлээс татан төвлөрүүлжээ. Голомт Капитал үнэт цаасны компанийн хамт олон монголд анх удаа онлайн арилжааны системийг нэвтрүүлсэн амжилтаа бататгаж, харилцагч SocialPay аппликэйшн ашиглан хувьцааны арилжааны дансаа нээж, анхдагч зах зээлийн арилжаанд оролцох боломжийг олгоод байна.    Мөн тус компани нь Монголын анхны даатгагдсан Эрчим бонд, Сүү бондыг нээлттэй зах зээлээс, Нэткапитал финанс корпораци, Бэрс капитал, Алтан намар, Би жи эл бонд, Ногоон бонд, Урбан, Монголиан мортгэйж фанд зэрэг компанийн бондыг хаалттай зах зээл дээр амжилттай хэрэгжүүлсэн бол туслах андеррайтераар нь ажилласан төслүүддээ 3 тэрбум гаруй төгрөгийг татан төвлөрүүлээд байна. Түүнээс гадна Говь компанийн хувьцаа хуваах төсөлд зөвлөх үйлчилгээг үзүүлсэн юм. Хэдийгээр хөрөнгийн зах зээл нь иргэдэд шинэ салбар мэт боловч хувь хүн, аж ахуйн нэгжүүдэд асар өргөн боломжийг олгодог. Тиймээс энэхүү хаалгыг нээх гэж буй хөрөнгө оруулагчдад Голомт Капитал ҮЦК ХХК-ийн хамт олон ямагт туслан, амжилт өөд чиглүүлэгч нь байхыг зорин ажиллаж байна.  

Идэвхитэй ажлын байр